72nd BPSC Prelims POSTPONED - 26 July Ka Exam Talla, Nayi Date Jald (Admit Card Ab Nahi)

72nd BPSC Prelims POSTPONED - Ab Aage Kya

72nd BPSC ka form bhara tha? Seedhi baat: jo prelims 26 July ko hona tha wo POSTPONED ho gaya, aur nayi date abhi tak announce nahi hui (30 July status). Iska matlab admit card bhi ab release nahi hoga - wo nayi exam date ke saath hi aayega. Ek aur cheez jo log miss kar rahe hain: vacancy ab 1,186 hai - corrigendum se Sugarcane Officer ke 44 posts hat gaye (original 1,230 the). Ye page nayi date, admit card aur exam-day checklist - teenon pe update hota rahega.

Quick Info

Admit Card Kab Aayega (Honest Status)

30 JULY STATUS: Exam postpone hone ke 12 din baad bhi nayi date announce nahi hui. BPSC ki site pe sabse naya 72nd-related notice wahi 20 July ka "Regarding Postponement of 72nd CCE (Preliminary)" hai. Jab tak naya notice na aaye, admit card ka sawaal hi nahi uthta.

26 July - jis din exam hona tha: Aaj hi 72nd Prelims hona tha, par exam postponed hai aur nayi date abhi tak announce NAHI hui. BPSC ki website pe aaj bhi sabse naya 72nd-related notice wahi "Regarding Postponement of 72nd CCE (Preliminary)" - dinank 20 July 2026 hai. Matlab: aaj ghar par ho to sahi ho, kisi centre pe mat jaana; aur "nayi date aa gayi" wali koi bhi post abhi afwah hai.

Postponement ka sach (do dates, dono sahi): Pehle 18 July shaam ko BPSC ke official X handle se announcement aayi (Prabhat Khabar/Amar Ujala ne cover kiya), aur uske baad 20 July ko commission ki website pe formal notice aaya - isliye kahin 18 to kahin 20 July likha milta hai. 33rd Judicial Services prelims bhi alag se postponed hai (Supreme Court order) - dono khabrein mix mat karo. Nayi date ke liye SIRF bpsc.bihar.gov.in maano - "nayi date XX August" wali koi bhi post abhi afwah hai.

• 30 July tak koi admit-card notice NAHI - aur aana bhi nahi chahiye, kyunki exam hi postponed hai
• BPSC ka pattern: exam se 7-10 din pehle card aata hai - matlab nayi date announce hone ke baad card aayega, us se pehle nahi
• "Card aa gaya" ya "nayi date XX August" wali koi bhi post abhi afwah hai
• Card aate hi yahan link + download steps update honge - roz check karo ya WhatsApp community join karo

Download Kaise Hoga (Card Aane Pe)

1. bpsconline.bihar.gov.in/candidate/login - OTR username/registration number + password
2. Dashboard me Admit Card > 72nd CCE Prelims
3. Download + 2 print - roll number, centre address, reporting time check karo
4. Password bhool gaye to login page ke Forgot Password se abhi reset kar lo - card wale din server slow hoga

Exam Day Rules (BPSC Standard)

• Reporting exam se 1-1.5 ghanta pehle - gate closing time admit card pe hoga (BPSC late entry bilkul nahi deta)
• Admit card print + original photo ID (Aadhaar best)
• Mobile, smartwatch, calculator, Bluetooth - banned; blue/black ballpoint le jao
• Negative marking 1/3 - blind guess mat karna
• E-option rule yaad rakho: BPSC ke naye pattern me 5th option "E" (not attempted) bharna hota hai - blank chhodne pe bhi penalty ho sakti hai, instructions dhyan se padho

Aakhri 10 Din Ki Strategy

• Revision only - naya topic ab nahi; Bihar-special GK (economy survey, current schemes) ek pass
• Current affairs: Jan-July 2026 compilation ek baar
• 1 full mock timing ke saath (12-2 PM slot me hi practice karo - body clock set)
• 71st ke paper se difficulty calibrate karo

Scam Warning

"Admit card pehle dilwa denge" / "paper milega" - 100% FRAUD. Card sirf OTR login se aayega, sabko ek saath. WhatsApp pe aaya "admit card PDF" ya "leaked paper" - dono fake + report karo: cybercrime.gov.in | 1930

Sources & References

• bpsc.bihar.gov.in - 72nd CCE notification (5 May) + Sugarcane Officer corrigendum (6 May, official PDF)
• Exam date 26 July (12-2 PM) - BPSC notification-based, multiple sources consistent

Last Verified: 19 July 2026 (admit card NOT out; ab kabhi bhi expected)

FAQs

Q: 72nd BPSC Prelims kab hai?

A: POSTPONED - 26 July (aaj) ka exam tal chuka hai. X pe 18 July, website pe formal notice 20 July. Nayi date abhi tak announce nahi hui.

Q: Admit card kab aayega?

A: Ab release nahi hoga - exam postponed hai. Admit card nayi exam-date announce hone ke baad aayega.

Q: Download kahan se hoga?

A: bpsconline.bihar.gov.in pe OTR login (registration number + password) se - wahi jahan form bhara tha.

Q: 72nd BPSC me kitne posts hain?

A: 1,186 - original 1,230 me se Sugarcane Officer ke 44 posts corrigendum (6 May) se delete hue.

Q: Exam pattern kya hai?

A: BPSC standard: 150 questions GS, 2 ghante, negative 1/3 - saath me naya E-option (not attempted) rule.

Q: Centre kaise pata chalega?

A: Admit card pe centre address hoga - card aane ke baad turant dekho, door ka centre ho to travel plan pehle bana lo.

Q: Password bhool gaya to?

A: bpsconline login page pe Forgot Password se abhi reset karo - card release wale din server pe bheed hogi.

BADI KHABAR (18 July shaam): BPSC ne 72nd Prelims (26 July) POSTPONE kar diya - official announcement commission ke X (Twitter) handle se aayi, karan sirf "aparihaarya karan" (unavoidable reasons) bataya gaya. Nayi date announce NAHI hui - naya schedule bpsc.bihar.gov.in pe aayega. Matlab: admit card ab release nahi hoga - wo nayi date ke saath aayega. Ek honest note: kal tak "postponed" wali posts afwah THIN (koi official notice nahi tha) - 18 July shaam ko ye OFFICIAL ho gaya, isliye humne page turant palta. ~5.15 lakh candidates (record) is exam ka intezaar kar rahe hain - aage kya hoga, neeche.

Ye Bhi Zaroor Padhein

• BPSC Auditor prelims result 2026 - 1,248 safal aur mains ka form alag se

• BPSC Stenographer Result Tracker - 15 posts, result kabhi bhi

• BPSC Ka Naya Option E Rule - khali chhodne pe ab 1/3 katta hai

• BPSC ASO Mains Result Tracker - 3+ mahine se awaited

• BPSC 72nd CCE Notification Detail - Posts, eligibility, syllabus link

• UPPSC PCS 2026 - 27 July Tak Apply - BPSC walo ka dusra shot

• BPSC 71st Mains Update - Pichle cycle ka status

• BPSC APO Prelims (15 July Ho Gaya) - Answer key wait

• Bihar SDM/DSP Salary - Jis post ke liye mehnat hai

• 72nd Prelims Syllabus + Exam Pattern - Postponed window me pattern master karo

Source: bpsc.bihar.gov.in (notification 5 May + corrigendum 6 May official; exam 26 July 12-2 PM multi-source consistent). Admit card status live-checked 16 July 2026.

Bhai, ab syllabus ki chinta chhodo - revision + mock pe raho. Card is hafte aa jayega, hum yahan link laga denge. 26 July ko 12 baje se pehle centre pe milte hain - all the best!