ISRO Scientist/Engineer Admit Card 2026 - CBT 29 October Ko Ho Gayi (19 Se Sthagit Thi); Ab Answer Key Aur Result Ka Intezaar

ISRO Scientist Call Letter 2026 - ISRO CBT Ab 29 October Ko, Link Koi Nahi

UPDATE (29 October 2026, raat): CBT ho chuki. ICRB:03(EMC):2026 ki CBT 29 October 2026 ko thi, isliye admit card ka kaam khatam. Answer key aur result ki soochna ISRO ICRB panne par hi aayegi.

UPDATE (28 October 2026): admit card download link live. ISRO ke ICRB bharti panne par ab "Admit Card Download Link - CBT For Recruitment Of SCIENTIST/ENGINEER SC Scheduled to be Held on 29-10-2026" likha hai - admit card link. Neeche likhi "link koi nahi" wali baat ab purani hai. CBT 29 October 2026 (guruvaar) ko. 28 October ko humne ISRO ka panna khud dekha.

15 October 2026 - CBT ki tareekh badli: ISRO ki Advt ISRO:ICRB:03(EMC):2026 wali recruitment panna ab kehta hai: "Date of conduct of Computer Based Test (CBT) is postponed to 29.10.2026 (Thursday)". Yaani 19 October ko pariksha nahi - nayi tareekh 29 October 2026. Call letter ab bhi registered e-mail par hi aayega; spam folder bhi dekhte rahiye.

ISRO ne Advt No. ISRO:ICRB:03(EMC):2026 ka CBT ab 29 October 2026 (guruvaar) ko hai - pehle 19 October tha. Par call letter ke liye koi download portal dhoondhne mat jaiye - hai hi nahi. Vigyapan saaf kehta hai ki hall ticket sirf aapke registered e-mail par bheja jaayega, aur ISRO ne uski koi tareekh abhi ghoshit nahi ki.

Bhaiyon aur behno, kai jagah "ISRO admit card link" ke naam par panne bane hue hain. 20 September 2026 ko humne ISRO ka Careers panna aur poora bilingual vigyapan khud kholkar padha - neeche wahi hai jo unme likha hai.

Ek Nazar Me

CBT Ki Tareekh Ka Saboot

ISRO ke Careers panne par ye line sabse upar hi darj hai:

"Advt. No. ISRO:ICRB:03(EMC):2026 Dated 27-08-2026 - Date of conducting CBT - 19th October, 2026"

Gaur kijiye - isme "tentative" shabd nahi hai. Isi portal par jo doosra vigyapan (Assistant/JPA/UDC wala) hai, uske saamne "Tentative date of Written Test/CBT" likha hai. Yahan wo shabd nahi hai.

ISRO Call Letter Ka Sach - Link Nahi, E-mail

Vigyapan ke apne shabd hain:

"Hall tickets / Call letters for written test/CBT and interview for those screened-in will be sent by e-mail only."

Aur aage dobara:

"The call letters for written test/CBT will be sent only to the registered e-mail ID of candidates."

Teen baatein isse nikalti hain:

1. Koi "admit card download" panna hai hi nahi. Jo site aisa link de rahi hai, wo ISRO ka nahi hai.
2. Aapka e-mail hi aapka portal hai. Wahi inbox dekhiye jo form bharte waqt diya tha - aur Spam aur Promotions folder bhi.
3. Tareekh ISRO ne nahi batai. Vigyapan ke "Important dates" me sirf aavedan khulne (27-08-2026) aur band hone (16-09-2026) ki tareekhein hain - call letter ki nahi.

ISRO CBT Ke Kendra - Bihar Walon Ke Liye Asli Baat

CBT 37 shaharon me hoga. Poori suchi me Bihar se sirf Patna hai. (Gorakhpur UP me hai aur Ranchi Jharkhand me - wo Bihar ke kendra nahi hain.)

Do baatein saaf samajh lijiye:

• Kendra badalne ka koi prawadhan nahi hai. ISRO ke FAQ me saaf likha hai ki form jama hone ke baad written test centre nahi badla ja sakta.
• ISRO ke paas venue badalne ka adhikar hai. Vigyapan kehta hai ki ICRB kendra radd ya badal sakta hai aur ummidwar ko kisi doosre kendra par bhej sakta hai.

ISRO Scientist Engineer CBT Ka Dhaancha - 120 Minute, 100 Ank

Part B me Numerical, Logical, Diagrammatic, Abstract aur Deductive Reasoning aate hain.

Qualifying ank: anarakshit ko Part A aur Part B dono me alag-alag 50%; jahan pad aarakshit hain wahan PwBD ko dono me 40%.

Aur antim chayan ke liye: anarakshit ko likhit me 50%, interview me 50% aur kul milakar 60%. Final merit me likhit ka 50% aur interview ka 50% weightage hai.

Answer key CBT ke teen kaam-kaji din ke andar ISRO ki website par aati hai, aur uspar aapatti ka link CBT ke baad diya jaata hai - key aane ke 5 din ke andar.

FAQs

Q: ISRO Scientist Engineer ka call letter kab aayega? A: ISRO ne koi tareekh ghoshit nahi ki. Sirf itna kaha hai ki wo registered e-mail par jaayega.

Q: ISRO admit card download link kya hai? A: Koi link nahi hai. Vigyapan kehta hai call letter sirf e-mail se bheja jaayega.

Q: CBT kab hai? A: Ab 29 October 2026 (guruvaar) - pehle 19 October tha, ISRO ne sthagit kiya.

Q: Bihar me kendra kahan hai? A: Sirf Patna. Poore desh me 37 kendra hain.

Q: Kya kendra badal sakte hain? A: Nahi. ISRO ke FAQ me saaf hai ki form jama hone ke baad centre nahi badalta.

Q: Kya alag se city intimation slip aayegi? A: Is vigyapan ke liye aisi koi alag slip ghoshit nahi hai.

Q: Kitne pad hain? A: 175 - Electronics 99, Mechanical 52, Computer Science 21, aur PRL (autonomous body) ke 3.

Q: ISRO CBT me negative marking kitni hai? A: Part A me -1/3 har galat uttar par. Part B me koi negative marking nahi.

Ye Bhi Padhein

• ISRO Scientist/Engineer 2026 bharti - poori jaankari
• ISRO ICRB Assistant/JPA/UDC/Steno admit card - alag vigyapan
• ISRO ICRB Assistant/JPA/UDC/Stenographer bharti
• UPSC ESE 2027 - engineering walon ke liye, form 6 October tak
• ISRO IPRC Technician aur Fireman bharti
• Poora vigyapan: bilingual advertisement PDF aur ISRO ka FAQ ISRO ISTRAC admit card 2026 - CBT 25 September
• ISRO Assistant answer key 2026 - response sheet, objection 28 September dopahar 2 baje tak
• UPSC ESE 2027 - form 6 October shaam 6 baje tak, 480 pad
• Adhikarik panne: ISRO Careers aur is vigyapan ka panna