UGC NET December 2026 Exam Date Badli - Ab 14 Se 18 Aur 21 December (NTA Corrigendum 16.10); City Slip 23 November, Admit Card 7 December

UGC NET December 2026 Exam Date - Ab 14 Se 18 Aur 21 December

UPDATE (28 October 2026): form ki last date 31 October. NTA Public Notice 27.10.2026 ke anusaar aavedan aur fee ki aakhri tareekh 28 se badhkar 31 October 2026 (raat 11:50) ho gayi, bina late fee ke. Pariksha ki tareekh wahi - 14-18 aur 21 December.

Tareekh badli (NTA corrigendum 16 October 2026): NTA ke public notice (16.10.2026) ke Annexure-A me UGC NET December 2026 ki pariksha 14-19 December (buffer 20-21) se badal kar 14 se 18 December aur 21 December 2026 kar di gayi hai, subject-wise schedule alag aayega. Saath me pehli baar tareekhein aayi - city intimation slip 23 November 2026 se aur admit card 7 December 2026 se. Form ki tareekh nahi badli (28 October tak). 20 October ko humne corrigendum PDF khud padha.

National Testing Agency (NTA) ne apne naye Examination Calendar (December 2026 cycle onwards) me UGC NET December 2026 ki sambhavit tareekh 14 se 19 December 2026 (buffer: 20-21 December) di hai. UGC NET ka notification aur registration abhi nahi aaye hain.

Update 10 October 2026 - UGC NET ka form khula: NTA ke 08.10.2026 ke public notice se UGC NET December 2026 ka form 8 se 28 October tak, pariksha 14 se 19 December 2026 - calendar wali tareekh pakki ho gayi. Fee Rs 1,150/600/325, late fee ke saath 31 October tak. Poora byora: UGC NET December 2026 apply online.

Update 8 October 2026: NTA notice (07.10.2026) se CSIR NET December ka form 5 November tak khula, pariksha 19, 22, 27 December - calendar wali 20-21 nahi. Byora: CSIR NET December 2026 form. UGC NET ka notice abhi nahi.

Bhaiyon aur behno, Bihar me Assistant Professor ki bharti aur PhD namankan - dono me NET ki zaroorat padti hai, aur Bihar ki apni SET ab tak hui hi nahi. 22 September 2026 ko humne NTA ka calendar PDF aur UGC NET, CSIR NET ki dono sites khud kholkar dekhi - neeche wahi hai.

UGC NET December 2026 - Ek Nazar Me

Calendar ke neeche NTA ne saaf likha hai: "Dates are tentative and may undergo changes owing to administrative, academic, statutory, logistical or other unforeseen circumstances."

Registration Kab Khul Sakta Hai - Pichhle Cycle Ka Hisaab

NTA ne December cycle ke registration ki tareekh abhi nahi di. Tulna ke liye pichhle cycle ka haal:

June 2026 me notification pariksha se lagbhag 7-8 hafte pehle aaya tha; December cycle ka notice 8 October ko aaya - pariksha se lagbhag 10 hafte pehle.

Bihar Walon Ke Liye NET Kyon Zaroori Hai

• Bihar Assistant Professor ki niyamit bharti me NET/JRF ya niyam wali PhD chahiye. Statute me Bihar SET ka zikr hai, par abhi tak koi Bihar SET hui nahi - poora byora.
• Bihar ki universities ke PhD namankan me NET/JRF walon ko alag rasta ya chhoot milti hai - jaise BNMU PhD aur BRABU PhD me.
• JRF milne par fellowship bhi milti hai.

UGC NET Aur CSIR NET Me Farq

Dono ki tareekhein alag hain, isliye dono ka form bhi alag hoga.

Abhi Kya Karein

1. June 2026 ka result dekh liya ho to apne score se samjhiye ki kitna aur chahiye - June 2026 result aur cut-off
2. Aadhaar, 10th ka certificate aur category certificate me naam aur janm tithi ek jaisi rakhiye - form me yahi mangega
3. Category / non-creamy layer certificate nayi taarikh ka banwa lijiye, agar purana hai
4. NTA ki site par notification aate hi information bulletin padh kar hi form bhariye

FAQs

Q: UGC NET December 2026 exam date kya hai? A: 14 se 18 December aur 21 December 2026 - NTA ke 16.10.2026 ke corrigendum ke baad (pehle 14-19 December tha).

Q: CSIR NET December 2026 kab hai? A: 19, 22 aur 27 December 2026 - NTA notice 07.10.2026; form 5 November tak.

Q: UGC NET December 2026 ka registration kab shuru hoga? A: 8 October 2026 se shuru - aakhri tareekh 28 October (late fee ke saath 31 October).

Q: Kya UGC NET December 2026 ki notification aa gayi? A: Haan - NTA ka public notice 08.10.2026 ka hai; 87 vishay; pariksha ab 14-18 aur 21 December (corrigendum 16.10.2026).

Q: Kya December 2026 ki tareekh badal sakti hai? A: Badal chuki hai - 16.10.2026 ke corrigendum se 14-19 December ki jagah 14-18 aur 21 December. Subject-wise schedule NTA alag dega.

Q: Bihar me Assistant Professor ke liye NET zaroori hai? A: Haan, ya niyam wali PhD. Bihar SET abhi tak hui nahi.

Q: UGC NET aur CSIR NET dono ek saath de sakte hain? A: Ab tareekhein nahi takratin - UGC NET 14-18 aur 21 December (corrigendum 16.10.2026), CSIR NET 19, 22, 27 December.

Q: UGC NET December 2026 ka form kahan bharein? A: ugcnet.nta.nic.in par, 28 October tak. CSIR NET ka csirnet.nta.nic.in par, 5 November tak.

Ye Bhi Zaroor Padhein

• BSUSC Assistant Professor History result 2026 - UR cut off 88.43 - 316 pad, 315 chayanit, aavantan alag se
• CSIR NET December 2026 form - 5 November tak - pariksha 19, 22, 27 December
• IIT JAM 2027 registration - 19 October tak - exam 14 February, IIT Patna M.Sc bhi
• UGC NET June 2026 result aur cut-off
• UGC NET June 2026 apply online - pichhla cycle
• CSIR UGC NET June 2026 apply
• Bihar BET/SET 2026 - abhi ghoshit nahi
• Bihar Assistant Professor recruitment
• UGC NET June 2026 e-certificate download - char prakar
• Adhikarik: NTA Examination Calendar (PDF), UGC NET ki site, CSIR NET ki site aur NTA
• UGC NET December 2026 correction - shahar aur subject badlo - 2-4 November