eSuvidha Bihar Status Check - Paisa Aaya Ya Nahi, Aur Aapke Liye Kaun Sa Link Hai

eSuvidha Bihar Status Check 2026 - Kanya Vivah, Parivar Labh Payment Guide

Bhaiyon, bahut log confuse hote hain ki eSuvidha Bihar kya hai aur RTPS Service Online kya hai. Dono ALAG portals hain! eSuvidha Samaj Kalyan Vibhag (Social Welfare Department) ka portal hai - yahan Kanya Vivah Yojana, Parivar Labh, Parvarish jaise welfare schemes ka status check hota hai. Certificate (Caste, Income, Residential) ke liye serviceonline.bihar.gov.in (RTPS) jaana padta hai.

Is guide mein dono portals ka clear explanation hai.

Quick Info

Direct Links

eSuvidha Bihar - Kaunsi Schemes Available Hain?

eSuvidha Bihar Status Kaise Check Karein?

Kanya Vivah Yojana Status

1. esuvidha.bihar.gov.in pe jaayein
2. "check Beneficiary Status" par click karein - portal par button ka naam yahi hai
3. District select karein
4. Block select karein
5. Application Number ya Beneficiary Name daalo
6. Search click karein
7. Status dikhega: Approved / Pending / Rejected / Payment Done

Parivar Labh Yojana Status

1. esuvidha.bihar.gov.in pe jaayein
2. "Parivar Labh Yojana" section mein jaayein
3. Application number daalo
4. Status check karein

Payment Status Check

1. Portal pe login karein
2. "My Applications" ya "Beneficiary Status" section jaayein
3. Application number se search karein
4. Payment status dikhega:
   • Approved - Approval ho gayi, payment pending
   • DBT Done - Paisa bank mein aa gaya
   • Pending - Abhi review mein hai
   • Rejected - Application reject hui (reason bhi dikhega)

Portal Par Chaar Alag Status Link Hain - Aapka Kaun Sa Hai

Yahi wo jagah hai jahan sabse zyada log atakte hain. Portal par ek "status check" nahi, chaar alag-alag hain - aur galat wale par jaakar "record nahi mila" dekhne se log maan lete hain ki unka aavedan hi gum ho gaya.

2 September 2026 ko humne portal khud kholkar dekha - menu me ye chaar hain, in-hi naamo se:

Parivar Labh me do alag yojana hain - Mukhyamantri Parivar Labh aur Rashtriya Parivar Labh. Dono ka status link alag hai. Agar aapka aavedan Rashtriya wala hai aur aap aam wale link par dhoondh rahe hain, to kuch nahi milega - aur usme aapki koi galti nahi hai.

Paisa Kitna Gaya, Ye Bhi Khud Dekh Sakte Hain

Bahut kam log jaante hain ki portal par ripot bhi khuli padi hain, bina login ke. In-me apne zile ya block ka haal dikh jaata hai:

• Payment Report evam Finacial Year Wise Payment Report - kis saal kitna bhugtan hua
• Yearly Pendency Report - kitne aavedan lambit pade hain
• Scheme Wise Progress Repot evam Progress Report - yojana-war pragati
• BSKKY Passbook - Kusht Kalyan wale labharthiyon ke liye

Agar aapka apna status mahino se "Pending" hai, to pendency report se pata chal jaata hai ki dikkat sirf aapke saath hai ya poore block ke saath. Dono soorat me aage ka kadam alag hota hai - akela maamla ho to block office, aur poora block atka ho to grievance.

Portal ke naamo me hi do jagah spelling ki galti hai ("Finacial", "Repot") - ye humari galti nahi, portal par aise hi likha hai. Dhoondhte waqt yahi dikhega.

Confuse Mat Ho! Certificate Ke Liye RTPS Jaao

Agar tumhe Caste Certificate, Income Certificate, Residential Certificate chahiye (sarkari naukri application ke liye), toh eSuvidha pe NAHI milega. Uske liye:

serviceonline.bihar.gov.in pe jaao (RTPS Bihar)

Humari detailed RTPS guide: Bihar RTPS Certificate Online Apply

eSuvidha Portal Pe Common Problems & Solutions

Helpline & Contact

FAQs

Q: eSuvidha aur RTPS mein kya fark hai? A: eSuvidha = Welfare schemes (Kanya Vivah, Parivar Labh). RTPS = Certificates (Caste, Income, Residential). Dono alag department aur alag portal hain.

Q: Kanya Vivah ka paisa kab aata hai? A: Application approve hone ke baad 30-45 din mein DBT se bank account mein aata hai. Aadhaar-bank linking zaroori hai.

Q: eSuvidha pe koi fee lagti hai? A: Nahi. Sabhi services free hain. Koi bhi paisa maange toh scam hai.

Q: Mobile number change karna hai application mein toh? A: Block office ya District Social Welfare Officer se contact karein. Portal pe direct change nahi hota.

Q: Parivar Labh mein kitna paisa milta hai? A: Rs 20,000 (Rashtriya Parivar Labh Yojana). State scheme mein amount vary karta hai.

Q: Status "Rejected" dikha raha - kya karein? A: Rejection reason check karein. Missing documents complete karke dubara apply karein. Ya District office mein jaake grievance file karein.

Ye Bhi Zaroor Padhein

• EPDS Ration Card Application Status Check - Ration card status RTPS se
• Bihar RTPS Certificate Apply - Caste, Income, Residential certificate
• e-Kalyan Bihar Scholarship Status Check - SC/ST/EBC Mukhyamantri schemes
• Kanya Utthan Yojana Payment Status - Graduation scholarship
• Bihar Graduation Scholarship Rs 50,000 - Payment status check
• Bihar eLabharthi Pension - Pension status