Bihar Home Guard Recruitment 2026 - 13,500 Posts, 12th Pass Apply

Bihar Home Guard Recruitment 2026 - 13,500 Posts

Bhaiyon, Bihar me 13,500 Home Guard ki bharti sarkar ne manzoor ki hai - Bihar ki sabse badi HG bharti. 12th pass apply kar sakte hain, district-wise (apne hi zile se). Sabse achhi baat: daily duty allowance Rs 774 se badhake Rs 1,121 ho gaya. (Poora Hindi summary neeche.)

Status - 14 August 2026 ko khud jaancha: maine csbc.bihar.gov.in ka notice section aaj kholkar dekha - Home Guard bharti ki koi soochna wahan abhi tak nahi hai. Cabinet approval March me ho gaya tha, par CSBC ne vistrit notification nahi nikali; April se ab tak paanch mahine nikal chuke hain.

Isliye koi bhi site jo "form bharna shuru" bata rahi hai, wo galat hai - aavedan ka link sirf csbc.bihar.gov.in par hi aayega.

Isi beech ek alag bharti aayi thi: BPSSC ne Home Guard me Company Commander ke 65 posts (Advt 08/2026) nikale the, jinka apply window 30 July 2026 ko band ho gaya. Wo 13,500 wali HG bharti se alag thi - graduation chahiye tha aur wo officer-level post hai (Pay Level 6). Ab uska exam-stage aayega: status yahan track hota hai.

Daily wage Rs 1,121 - recently Rs 774 se badhakar Rs 1,121 kiya gaya hai!

13,500 Ka Form Kab Aur Kahan - Seedha Jawab

Sabse zyada yahi poocha ja raha hai, to bina ghumaye:

Abhi tak 13,500 posts ka koi official notification nikla nahi hai. 22 August 2026 ko humne CSBC ki site phir se khud kholi - uspe "Bihar Home Guards" ka apna section to hai, par 13,500 ka koi notice wahan nahi hai. Jo aankda har jagah ghoom raha hai wo ghoshna se aaya hai, kisi prakashit notification se nahi.

Iska matlab: abhi form bhara hi nahi ja sakta, aur jo site aapko "apply online" ka link de rahi hai wo aapko kahin nahi le ja rahi.

Do baatein jo aapko ragadne se bachayengi:

1. onlinebhg.bihar.gov.in ke chakkar me mat pado. Kai sites yahi pata de rahi hain. Wo application ke waqt ka portal hai - jab window khuli ho tabhi chalta hai, baaki samay jawab hi nahi deta. 22 August 2026 ko bhi wo nahi khula. Isliye wahan jaakar ye mat samajh lena ki aap chook gaye.

2. Asli jagah csbc.bihar.gov.in hai. Notification wahin chhapega, tareekh ke saath - CSBC apne saare notice date-wise wahin daalta hai. Mahine me ek baar wo khol lo, itna kaafi hai.

Aur koi bhi "pakki date" bata raha hai to wo anumaan bech raha hai. Notification ki tareekh tabhi pakki hoti hai jab wo CSBC ke notice board pe chhap jaye. Tab tak taiyari karo - PET/PST hi is bharti ka asli filter hai, aur wo notification ke baad shuru karne se nahi hoti.

Home Guard Ki Do Alag Cheezein Hain - Inhe Mat Milao

Aajkal "Home Guard" ke naam par do bilkul alag cheezein ghoom rahi hain, aur log inhe ek samajh lete hain:

Isliye agar kahin dikhe ki "Home Guard ka PET aa raha hai, admit card 8 September se" - wo Advt 02/2026 ki baat hai, 13,500 wali bharti ki nahi. Un dono ka aapas me koi lena-dena nahi.

Advt 02/2026 wale abhyarthiyon ke liye poora vivran: Bihar Police SI PET Admit Card (usi notice me teeno vigyapan hain).

Quick Info

Direct Links

Notification abhi tak nahi aayi - April se ab tak 4 mahine ho gaye. csbc.bihar.gov.in pe daily check karo, aur kisi WhatsApp "apply link" pe bharosa mat karo.

Eligibility Criteria

Qualification: 12th pass (any stream), Bihar-recognized board.

Age (01-01-2026): General 19-40, OBC/BC/EBC + Female 19-43, SC/ST + PwD 19-45.

Other: Bihar domicile zaroori, apne district me hi apply, no criminal record, married/unmarried dono eligible.

Physical Standards (PST) Aur PET

PST (lambai/seena): purush General ko 5'4" aur seena 31-33 inch; Purnia/Kosi division aur ST ko chhoot - 5'2". Mahilaon me General 5'0" / 45 kg, ST 4'10" / 43 kg.

PET (15 marks): daud, high jump, long jump aur shot put - purush ke liye 1600m 6 minute me, mahila ke liye 800m 4 minute me.

Yahi is bharti ka asli filter hai - likhit nahi, merit PET ke marks se banti hai. Isliye zyada marks = better rank. Event-wise marking, category-wise chhoot aur taiyari ka poora plan yahan hai: Home Guard PET/PST Details | Home Guard Syllabus.

Selection Process

Online application -> PST (height/chest) -> PET (race/jump/shot put - 15 marks) -> medical -> document verification -> final merit (PET marks se).

Koi written exam NAHI - selection sirf physical tests pe based.

Salary & Benefits

Daily wage Rs 1,121 (recently increased) = monthly ~Rs 33,630 (30 duty days), in-hand ~Rs 23,000-28,000. Benefits: duty allowance, festival bonus, insurance, uniform, training allowance, promotion.

Home Guard duty-based hai - jitne din duty, utne din ka paisa.

District-wise Bharti

Bihar ke 38 districts me - apne district me hi apply. Bade districts (expected): Patna 500+, Gaya/Muzaffarpur 400+, Bhagalpur/Darbhanga 350+, baaki 200-300 each. Exact vacancy notification me.

How to Apply? (Step-by-Step)

Documents ready: Aadhaar, 12th marksheet+certificate, domicile, caste certificate (agar lagoo), photo + signature.

Steps: official portal (notification me jo diya ho) -> "New Registration" (mobile+email verify) -> form bharo (personal + qualification + apna district select) -> photo/signature upload -> fee (expected FREE ya nominal Rs 100-200, online) -> submit + printout. Admit card ke liye portal check karte raho.

Important Tips

Physical prep: daily 1600m running, high jump 4 feet, long jump 12 feet, shot put 7.26 kg gola - abhi se practice.

Documents: originals + 2 photocopies, 10 passport photos, domicile certificate zaroori.

Galtiyan avoid karo: galat district select, galat photo/signature size, galat mobile number, aur last-date pe apply (server slow hota hai).

Scam Warning

Home Guard bharti ke naam pe fraud hota hai!

• "Rs 50,000 do, selection pakka" - 100% FRAUD
• "Setting hai, pass karwa denge" - FRAUD
• Fake notification websites - Sirf csbc.bihar.gov.in trust karo
• "Medical mein pass karwa denge" - FRAUD

Yaad Rakho: Selection merit-based hai. Kisi ko paisa mat do.

Report: SkillUpBihar Scam Alerts

FAQs

Q: Notification kab aayega? A: Official tareekh abhi nahi aayi. 13,500 ka koi notice CSBC pe hai hi nahi - upar wala section poora sach batata hai.

Q: Written exam hoga kya? A: Nahi - selection sirf PST + PET + medical + DV pe based hai (koi likhit exam nahi).

Q: Dusre district me apply kar sakte hain? A: Nahi - apne domicile district me hi (district-wise bharti hai).

Q: Female candidates ke liye relaxation? A: Haan - height + PET me relaxation, age me 3 saal extra.

Q: Salary kitni milegi? A: Rs 1,121/day (in-hand ~Rs 23,000-28,000/month, duty days ke hisab se).

Q: Age limit relaxation? A: OBC/female 3 saal, SC/ST 5 saal.

Q: Home Guard permanent job hai? A: Nahi - duty-based contractual, par long-term service milti hai.

Q: 12th pass eligible hai? A: Haan - 12th pass + physical standards clear karne wale apply kar sakte hain.

बिहार होमगार्ड वैकेंसी 2026 - हिंदी में समझें

बिहार में 13,500 होम गार्ड पदों की भर्ती को सरकार ने मंज़ूरी दी है - यह अब तक की सबसे बड़ी होम गार्ड वैकेंसी है। 12वीं पास उम्मीदवार आवेदन कर सकते हैं, और भर्ती जिला-वार (district-wise) होगी यानी अपने ही ज़िले से आवेदन करना होगा। सबसे बड़ी बात - daily duty allowance Rs 774 से बढ़ाकर Rs 1,121 कर दिया गया है।

चयन कैसे होगा? शारीरिक मापदंड (PST) + फिज़िकल टेस्ट (PET - दौड़/ऊंची कूद/गोला फेंक) के आधार पर मेरिट - कोई लिखित परीक्षा नहीं। पूरी योग्यता, उम्र सीमा और फिज़िकल standards ऊपर टेबल में हैं।

ताज़ा नोटिफिकेशन कहां? आधिकारिक भर्ती नोटिफिकेशन आते ही यह पेज तुरंत अपडेट होगा - सिर्फ onlinebih.bihar.gov.in / SDRB पर भरोसा करें, किसी fake "apply link" पर पैसा न दें।

Ye Bhi Zaroor Padhein

• BPSSC Company Commander vigyapan 11/2026 - sirf Home Guard walon ke liye

• CSBC Ki Do Website - Dono Asli Hain - csbc-bih.bihar.gov.in fake nahi hai, par ek farak hai

• Bihar Home Guard Admit Card 2026 - Hall ticket + PST/PET schedule

• Bihar Me Ladkiyon Ke Liye Sarkari Naukri (35% Aarakshan) - par domicile ke bina nahi milta

• Bihar Home Guard Syllabus 2026 - PET events + physical standards

• Bihar Home Guard Result 2026 - Merit list + cut-off

• BPSSC Company Commander (Home Guard) 2026 - Graduate HG officer bharti

• Bihar Police Physical Test Tips - Running + PET prep

• 12th Pass Sarkari Naukri Bihar - 12th pass jobs

Notification aate hi is page pe update milega. Sirf official website trust karo!