RRB JE Exam Date 2026 (CBT-1 27, 28 October) - CEN 04/2026; City Slip 17 October Ko Aur Admit Card 23 October Ko Aa Gaya

RRB JE Exam Date 2026 - CBT-1 Ab 27 Aur 28 October

UPDATE (24 October 2026): E-call letter (admit card) out. RRB Patna ki CEN 04/2026 suchi me "E-Call Letters" ka link 23-10-2026 se laga hai; 24 October ko humne login page khud khola, chal raha hai. Shift timing, documents aur download steps: RRB JE admit card 2026 out.

City slip ka link live (17 October 2026): RRB ki soochna (17.10.2026, Chairpersons, RRBs) ke anusaar CBT-1 ka Exam City aur Date dekhne aur SC/ST ke liye Travel Authority download karne ka link sabhi RRB ki site par chalu hai. CBT-1 27 aur 28 October 2026 ko. E-call letter pariksha se lagbhag 4 din pehle. Centre par Aadhaar biometric hoga - Aadhaar unlocked rakhiye. Helpdesk 9513166371 (Somvar-Shanivar, subah 9 se shaam 6). Soochna (PDF)

7 October 2026 update - aavedan ki sthiti aa gayi: RRB ke 07.10.2026 ke notice ke mutabik CEN 04/2026 ke aavedan "Provisionally accepted", "Conditionally accepted" ya "Rejected" - rrbapply.gov.in login me dekhiye. Poori jaankari: RRB JE application status 2026.

Railway Recruitment Boards ne 16 September 2026 ko CEN 04/2026 - Junior Engineer (JE), Depot Material Superintendent (DMS) aur Chemical & Metallurgical Assistant (CMA) - ki pehle charan ki CBT (CBT-1) ki sambhavit tareekh 27, 28 aur 30 October batayi thi. Sanshodhit notice (02.10.2026) me ab CBT-1 sirf "27th & 28th October 2026" hai - 30 October hat gaya. Sanshodhit notice (PDF).

4 October 2026 ki jaanch: RRB ke sanshodhit notice me ye bhi likha hai - pariksha kendra par Aadhaar se biometric pehchaan hogi, isliye "original Aadhaar card or printout of e-verified Aadhaar" saath laiye.

Bhaiyon, exam city slip 17 October ko aa chuki (yahan dekhiye), ab e-call letter pariksha se lagbhag 4 din pehle aayega. 21 September 2026 ko humne RRB ki soochna (16.09.2026, Chairpersons, RRBs) khud kholkar padhi - neeche wahi hai.

RRB JE Exam Date 2026 - Ek Nazar Me

RRB ne soochna me har jagah "tentatively" (sambhavit) likha hai - tareekh badal sakti hai, isliye apne RRB ki site dekhte rahiye.

RRB JE City Slip Aur Admit Card Kab Aayega

Soochna ki kandika 2 aur 3:

• "The link for viewing Exam City & Date and downloading of Travel Authority for SC/ST candidates will be made live 10 days (tentatively) prior to the exam date"
• "Downloading of E-Call letters will start 4 days (tentatively) prior to exam date mentioned in Exam City and Date intimation."

Hamara hisaab (RRB ka nahi): agar aapki pariksha 27 October ko hai, to city slip lagbhag 17 October ke aas-paas aur e-call letter lagbhag 23 October ke aas-paas aana chahiye. Aapki asli tareekh city slip me likhi hogi - usi se 4 din pehle ginyega.

RRB JE CBT-1 Me Aadhaar Unlock Kyun Rakhna Hai

Kendra par ghusne se pehle Aadhaar se biometric pehchan hogi. RRB ki soochna kehti hai:

1. Original Aadhaar card ya e-verified Aadhaar ka printout saath laaiye
2. Agar form bharte waqt Aadhaar verify nahi kiya, to rrbapply.gov.in par login karke abhi kar lijiye
3. Jinhone verify kar liya, wo bhi dekh lein ki Aadhaar UIDAI me "unlocked" ho - lock hua to pariksha ke din pareshani
4. Aadhaar me naam, janm tithi (10th ke certificate jaisi), nayi photo, biometrics (15 saal ke baad update na hua ho to) aur pita ka naam sahi hona chahiye

Aadhaar ki galti theek karwane me samay lagta hai - ise October se pehle nipta lijiye.

Abhi Kya Karein - Modification Window Aakhri Mauka

CEN 04/2026 ki modification window 25 September 2026 tak khuli hai. Form me koi galti hai to abhi sudhaar lijiye - har sudhaar par Rs 250 lagta hai. Poora hisaab modification window wale page par.

RRB JE CBT-1 Ki Taiyari Kahan Tak

CBT-1 ka pattern aur syllabus RRB JE syllabus page par hai. Pichhle cycle (CEN 05/2025) me CBT-1 ke baad CBT-2 hua tha, aur uska result 16 September 2026 ko aaya - wo result yahan.

Scam Warning

RRB ki soochna khud kehti hai: "Beware of touts who try to misguide candidates with fake promises of appointment for jobs on illegal consideration." Chayan sirf CBT merit se hota hai. "Setting", "pakka selection" ya paise lekar city badalwane wale sab thag hain. Shikayat cybercrime.gov.in ya 1930 par.

FAQs

Q: RRB JE exam date 2026 kya hai? A: Sanshodhit notice (02.10.2026) ke mutabik CEN 04/2026 ki CBT-1 27 aur 28 October 2026.

Q: RRB JE city slip 2026 kab aayegi? A: Exam se lagbhag 10 din pehle, apne RRB ki site par.

Q: RRB JE admit card 2026 kab aayega? A: Exam se lagbhag 4 din pehle e-call letter download shuru hoga.

Q: RRB JE CBT-1 me kaunsa ID chahiye? A: Original Aadhaar ya e-verified Aadhaar ka printout. Aadhaar unlock hona chahiye.

Q: Kya 29 October ko bhi RRB JE exam hai? A: Nahi. Sanshodhit soochna me sirf 27 aur 28 October hai; 30 October bhi hat gaya.

Q: SC/ST ki Travel Authority kab milegi? A: City slip ke saath, exam se lagbhag 10 din pehle.

Q: RRB JE form me sudhaar kab tak? A: Modification window 25 September 2026 tak, Rs 250 har sudhaar.

Q: RRB JE 2026 me kitne pad hain? A: CEN 04/2026 me abhi 4,029 pad.

Zaroori Links

• RRB ki site (sab regional boards)
• CBT-1 schedule ki soochna (PDF, English)
• rrbapply.gov.in - Aadhaar verification

Ye Bhi Zaroor Padhein

• SSC JE 2026 exam date - Paper-I 2 se 6 November - city slip aur admit card kab
• RRB JE recruitment 2026 (CEN 04/2026) - 4,029 pad
• RRB JE modification window - 25 September tak
• RRB JE syllabus aur exam pattern
• RRB JE salary 2026
• RRB Section Controller exam date - 12-13 October
• RRB Technician CBT admit card 2026
• RRB JE admit card 2026 out - e-call letter download - CBT-1 27-28 October ka call letter live
• RRB Paramedical exam date 2026 - CBT 23, 25 November - CEN 05/2026, city slip 10 din pehle
• RRB Section Controller answer key 2026 - aapatti 3 November tak - Rs 50 prati prashn