RRB JE CBT-2 Result 2026 Out (CEN 05/2025) - DV List Aayi, RRB Patna Se 47 Shortlist; Cut-Off Merit Index Aur Scorecard Sirf 15 Din

RRB JE CBT-2 Result 2026 Out - DV List Aayi (CEN 05/2025)

Update 5 November 2026 - RRB Patna ka DV schedule bhi aa gaya: RRB Patna ne CEN 05/2025 (JE, DMS, CMA) ka Document Verification aur Medical schedule jaari kiya hai (RRB Patna ki site par 22.10.2026 ko list hua) - DV 23.11.2026, 25.11.2026, 27.11.2026 aur 01.12.2026 ko, sab forenoon, reporting subah 9:30, aur block date 15.12.2026. Jagah: RRB Patna karyalay, Mahendrughat, Patna - 800004. Medical ki fee sirf Rs 24. Apna roll number aur tareekh schedule PDF me dekhiye - 5 November ko humne khud padha.

RRB Muzaffarpur ka DV schedule aaya (19 October 2026 ko dekha): CEN 05/2025 JE ka Document Verification aur medical 26 October aur 29 October 2026 ko, block date 20 November, RRB Muzaffarpur karyalay (Lichi Bagan, Maripur) me. DV e-call letter ka link 16 October se. Saath le jaaiye - saare original, do set photocopy, 6 rangeen photo, CBT-1 aur CBT-2 e-call letter ka candidate foil. Medical agle working din, fee sirf Rs 24. RRB Patna ka DV schedule 19 October tak uski site par nahi dikha. Muzaffarpur DV schedule (PDF)

Railway Recruitment Boards ne CEN 05/2025 - Junior Engineer (JE), Depot Material Superintendent (DMS) aur Chemical & Metallurgical Assistant (CMA) - ki CBT-2 (2 July 2026) ka result aur Document Verification (DV) + Medical Examination ki list 16 September 2026 ko jaari kar di. RRB Patna ki list me 47 roll number hain.

Bhaiyon, ye list merit order me nahi hai, aur scorecard sirf 15 din tak dikhega. 21 September 2026 ko humne RRB Patna ka result PDF aur cut-off PDF khud kholkar padha - neeche wahi hai.

RRB JE CBT-2 Result 2026 - Ek Nazar Me

Har RRB apni list alag jaari karta hai. Upar ke 47 sirf RRB Patna ke hain. Muzaffarpur ya kisi aur RRB se form bhara hai to usi RRB ki list dekhiye.

RRB Patna Ka Cut-Off Merit Index

Ye DV ke liye chune gaye aakhri ummeedwar ka Merit Index hai, category number (post-group) ke hisaab se - RRB Patna ki cut-off PDF se:

Divyang ke liye: 9ecr R-LD 639.94872, 11ecr R-LD 441.206, 26ecr R-HI 381.53263. Khaali khaane ka matlab us category me us varg ki koi seat/shortlist nahi.

Ye marks nahi, Merit Index hai. RRB ki soochna kehti hai ki Merit Index CEN ki kandika 13.4.2 ke formula se bana hai - CBT-2 ka scaled score (100 me se) jinka apne varg ke qualifying marks se zyada ya barabar tha, unka.

RRB JE CBT-2 Result Kaise Dekhein

1. rrb.indianrailways.gov.in kholiye aur apna RRB chuniye
2. CEN 05/2025 me Exam Results category kholiye
3. CBT-II result + DV shortlist ka PDF - RRB Patna ka PDF - download karke apna Roll Number khojiye
4. Cut-off ka PDF alag hai - RRB Patna cut-off
5. Scorecard aur question-response ke liye RRB JE CBT-2 login - Registration Number aur janm tithi

Scorecard ki suvidha soochna ki tareekh se sirf 15 din hai. 16 September se ginein to lagbhag 1 October 2026 tak - ye hamara hisaab hai. Abhi download karke rakh lijiye.

DV Aur Medical - Kya Taiyari Karein

RRB ki soochna ki kandika 8-10 aur 15:

• DV ki tareekh RRB email aur SMS se batayega, aur e-call letter RRB ki site se download hoga
• DV ke agle din Medical railway aspatal me - 2 se 4 din ka samay lekar jaaiye
• Saare mool dastavez aur unki A4 size me do set photocopy
• Medical ka shulk sirf Rs 24 - kisi aur ko koi paisa nahi dena. CT scan jaisi jaanch ki suvidha na ho to bahar ka kharch khud ka ho sakta hai
• Merged category wale padon ka vikalp DV se pehle diye link par bharna hai - na bhara to RRB uplabdh seat aur merit se dega

Shortlist hone ka matlab naukri pakki nahi - soochna kehti hai ki ummeedwari "purely provisional" hai.

Shortlist Kitne Hue - Niyam

Soochna ki kandika 5: DV ke liye bulaye gaye ummeedwar padon ki sankhya ke barabar hain (yogya ummeedwar milne par). Yaani RRB JE me extra list nahi bulayi gayi.

FAQs

Q: RRB JE CBT-2 result 2026 kab aaya? A: 16 September 2026 ko, CEN 05/2025 ke liye.

Q: RRB Patna JE DV list me kitne naam hain? A: 47 roll number.

Q: RRB JE CBT-2 cut-off kya hai? A: Cut-off Merit Index me hai, category-war - jaise RRB Patna 26ecr UR 833.29652.

Q: RRB JE scorecard kab tak dikhega? A: Soochna ki tareekh se sirf 15 din.

Q: RRB JE DV kab hoga? A: RRB Muzaffarpur me 26 aur 29 October 2026; RRB Patna ki tareekh 19 October tak nahi aayi - email/SMS aur e-call letter se aayegi.

Q: RRB JE medical fee kitni hai? A: Rs 24.

Q: Kya DV list merit order me hai? A: Nahi, roll number ke badhte kram me hai.

Q: Kya CEN 04/2026 (naya RRB JE) ka bhi result hai? A: Nahi. Ye CEN 05/2025 ka result hai. CEN 04/2026 ki CBT-1 ab 27 aur 28 October ko hai (sanshodhit notice 02.10.2026).

Ye Bhi Zaroor Padhein

• RRB JE CBT-2 answer key 2026
• RRB JE CBT-1 result 2026 (CEN 05/2025)
• RRB JE exam date 2026 - CEN 04/2026 CBT-1 27-30 October
• RRB JE salary 2026
• RRB JE recruitment 2026 (CEN 04/2026)
• RRB ALP CBT-2 result 2026 - RRB Patna 156 CBAT shortlist, cut-off, CBAT 30 October
• Adhikarik: RRB ki site, RRB Patna result PDF, RRB Patna cut-off PDF aur scorecard login